د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

وسله وال په پکتیکا کې د ګوزڼ واکسین د تطبیق خنډ دي

وسله وال په پکتیکا کې د ګوزڼ واکسین د تطبیق خنډ دي

Sep 27, 2017 - 14:28

ښرنه (پژواک، ٥ تله ٩٦): د پکتيکا حکومتي چارواکي وايي چې وسله وال طالبان په مرکز ښرنه او ولسواليو کې د ګوزڼ واکسين مخنيوی کوي، خو طالبان دغه موضوع ردوي.

دغه څرګندونې د پکتيکا د عامې روغتيا رييس ډاکتر ولي ګل خروټي د تلې په پنځمه پژواک خبري اژانس ته وکړې.

خروټي وويل چې دوى د ګوزڼ واکسين د کمپاين لپاره پوره چمتووالى نيولى، کارکوونکي یې روزلي دي خو طالبانو د واکسين د تطبيق مخه نيولې ده.

هغه زيات کړه: ((طالبانو د نا معلومو دلايلو له مخې تر نامعلوم وخته پورې دغه واکسين بند کړى دى.))

خو خروټی وايي چې د قومي مشرانو په همکارۍ يې هلې ځلې پيل کړې دي څو دغه ستونزه هواره کړي.

د مرکز ښرنې اوسېدونکي خدايداد پژواک ته وويل چې طالبانو خلکو ته اعلان کړى چې خپل ماشومان واکسين نه کړي.

هغه وايي: ((طالبانو ويلي که چا واکسين وکړ نو دوى به د خپلو اصولو له مخې چلند ورسره وکړي.))

ده له طالبانو غوښتنه وکړه چې د ماشومانو د سالمې راتلونکې په موخه دې د ګوزڼ واکسين تطبيق ته اجازه ورکړي.

خو وسله وال طالبان بيا دغه څرګندونې ردوي.

د دې ډلې وياند ذبيح الله مجاهد پژواک ته وويل چې طالبان د ګوزڼ له واکسين سره هېڅ ډول ستونزه نه لري.

هغه وايي: ((نه، د پولیو واکسین سره موږ کوم مشکل نه لرو، خو په ځینو سیمو کې محلي خلک ستونزه ورسره لري چې موږ یې پر قانع کولو بوخت یو.))

د پکتيکا د عامې روغتيا رياست د معلوماتو له مخې، په دغه ولايت کې بايد په دې پړاو کې ٢١٧٠٠٠ ماشومانو ته د ګوزڼ واکسين تطبيق شي.

د يادونې ده، دوه ورځې وړاندې په ټول افغانستان کې د ګوزڼ واکسين عمومي کمپاين پيل شوى چې په ټوليزه توګه به درې ورځې دوام وکړي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement